فضاء للتعلم والتواصل و الإبداع

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فضاء للتعلم والتواصل و الإبداع

فضاء للتعلم والتواصل و الإبداع

6203

الرئيسية

الرئيسية

البوابة

أحدث الصور

أحدث الصور

التسجيل

دخول

فضاء للتعلم والتواصل و الإبداع :: المقررات و المناهج الدراسية :: علوم الحياة و الأرض

]•·.·´¯`·.·• (كل شيء عن: سمكة السياميس فايتر) •·.·´¯`·.·•

اذهب الى الأسفل

3 مشترك

كاتب الموضوع

رسالة

زائر
زائر

موضوع: ]•·.·´¯`·.·• (كل شيء عن: سمكة السياميس فايتر) •·.·´¯`·.·• الخميس 28 فبراير 2008 - 18:04

،’،: :،’،: :،’،: :،’،: \|~.. ..~)\| سمكة السياميس فايتر ربما تكون هادئة جداً ومنعزلة فى ركن من أركان الحوض فتجدها عادةً بجانب أو فوق الفلتر أو مختبئة فى زرع طافى أو بداخل لعبة أو بيت فى الحوض تهوى العزلة دائماً والغريب أنه لا يثير الذكر فيها إلا ذكر من نفس النوع فبمجرد أن يلمح وجود ذكر أخر يسرع نحوه وتكون المواجهة دامية دائماً فمن تمزيق الذيل والزعانف إلى الموت ما لم يتم فصلهم ويعزوا الخبراء هذه الطبيعة الغريبة لأن الفايتر دائماً ما يبدأ فى تكوين عشه من فقاقيع لزجة يخرجها من فمه لتتجمع فى منطقة وتكون العش إذا وجد وحيداً فى إنتظار أنثى فإذا دخل ذكراً أخر فى الحوض يعتبر ذلك تهديد لأمن العش ويبدأ فى التعامل معه فوراً . والأنثى ألوانها باهته عن الذكر وتميل للوردى الفاتح فى أغلب الأحيان اليكم مجموعه من الصور :::::::::: التزاوج حوض التفريخ كلما صغر حوض التفريخ كلما سهل على الذكر السيطره على الموقف بالنسبه لتجهيز العش وتعصير للانثى والعنايه بالبيض والصغارواهم حاجه انه مايكونش حوض عريض فالعش يتهد او غويط فالدكر هو اللى يتهد من الطلوع والنزول خلف البيض او الفقس (من 25 سم الى 40 سم مناسب جدا) المياه المياه لازم تكون قديمة علشان المياه الجديدة موش كويسه على الفيتر وبتسبب أذى لجهازة التنفسى وكمان الفايتر اساسا بيعيش فى مياة راكدة وقدم المياه بيعطيه احساس بالامان والارتياح واحساس بالتواجد فى بيئته الطبيعيه. يعنى ايه مياه قديمه لو عندك جيركن كبير ونظيف املاه مياه من الحنفيه واركنه اسبوع او اتنين يبقى عندك احتياطي مياه قديمه تستعملها وقت ما تحتاجها وفيما يلى خطوات عمليه التفريخ: اى ذكر فايتر مكتمل النمو ووضع وحدة فى حوض ليس به تيارات مياه قويه يكون جاهز للتزاوج وبالنسبه للانثى فتكون ممتلئه البطن ويلاحظ وجود انبوب ابيض صغير كعلامه على استعدادها لوضع البيض. التفريخ يتم فى حوض صغير الحجم زى اللى سبق ذكره وطبعا بنحاول عند تفريخ اى سمكه محاكاة بيئتها الطبيعية من درجه حرارة وتركيبه المياه ودرجه الملوحة......الخ علشان كدة لازم مياه قديمه لان الفايتر اساسا بيعيش فى مياه راكدة ومستنقعات. درجه الحرارة المناسبه 28 درجة مئويه, وتركيبه مياه النيل من حيث الملوحه والقلويه والعسر ما فيهاش مشاكل تستاهل التدخل. يوضع الذكر فى الحوض ولتسهيل عمليه بناء العش عليه يوضع بعض النباتات الطافيه (طبيعيه او صناعيه متفرقش) او قطعة فل او اى حاجة الراجل يبنى عش زوجيته بيها اما حجم العش فا موش مهم المهم كثافته والاهم هى كفائه الذكر وتفانيه فى رعايه اولادة. بص باه سر حربى انا شخصيا بسميه الخطه قطه: معظم الزيجات الفيتريه بتفشل والمرحومه الزوجه لو اتكتبلها عمر بتحتاج معجزة علشان ترجع سمكه تانى لان احنا بنحطها فى الحوض بعد الذكر ما يبنى العش ودى بتكون اكثر لحظات عمره عصبيه وفى اغلب الاحيان العلقة المميته اللى بتاخدها الانثى بتكون خناق موش عمليه التعصير( نزول البيض) علشان كدة لازم الخطه قطه وهى ان احنا نحط حضانه صغيرة او دورق او برطمان فى نفس حوض التفريخ ونحط الانثى فيه يومين تلاته علشان ندوب التوتر شويه (مياه البرطمان او الحضانه تكون من نفس الحوض ولو مخرم يبقى احسن واحسن) اول ما بناء العش يكمل واعصاب اخينا تهدا (وتعرف انه هدى لما تلاقيه بيستعرض زعانفة من غير ما يخبط فى الدورق بجانب راسه او ينفخ خياشيمه) دة معناه انه هدى وجاهز للتزاوج وفى الحاله دى بننزل الانثى فى الحوض بس برفق علشان منهدش العش. تتم عمليه التزاوج زى ما فى الصور التاليه وهنا تخرج الانثى من 3 الى 5 بيضات(بص على الصوره 10 فى عمليه التعصير) يلتقطهم الذكر بفمه ويقوم بتثبيتهم فى العش, الموضوع دة حايتكرر حوالى 100 مره او اكثر واول ما تلاقى الذكر بعد عن الانثى او بدا يبعدها عن العش نرفعها من الحوض علشان ميموتهاش (خوفا" على عياله). فى الفترة دى الذكر حايمتنع تماما" عن الاكل وحايقضى الوقت كله بيلم البيض اللى بيقع على الارضيه ويرجعه فى العش ويبعد اى تهديد حقيقى او وهمى (علشان كدة بلاش نستفزه بالنور العالى مثلا او نقرب وشنا من الحوض). البيض بيفقس بعد حوالى من 24 الى 36 ساعه وبمجرد فقس البيض يترك ليك خيارين اما نسيب الذكر لغايه ماالصغار تسيبوا العش او نشيله بمجرد الفقس وانا افضل نشيله مع الفقس لان حصل معايا قبل كده ان اب حنون ومطلع 4 عشوش كامله اكل عياله كلهم بدون اى مناسبه! بالنسبه للاكل الطحالب الخضراء والانفيزوريا مهمه جدا(سبق وشرح لنا نينجا ازاى بتتجهز برطماناتها) اما فقس بيض الجمبرى فهو ضروره علشان العش كله يعيش وكمان اللون بناع السمك يتظبط. الولدة تتساب فى الحضانه اسبوعين بس كل يوم نشيل كوبايتين مياه ونحط مكانهم كوبايتين جداد (ميه مركونه عده ايام) بعد كده بنهايه الاسبوعين لازم الولده تتنقل بمياهها الى حوض اكبر ونزود مياه يوميا بردة بس من غير ما نشيل مياه من الحوض الجديد ولازم هنا يكون فيه فلتر بس سفنج عادى علشان ما يعملش تيار هوا قوى. اول ما السمك بيدا يلون وزعانفة تكبر لازم نعزل الذكور عن بعض علشان ما يحصلش معركه (بيكونوا هاديين ومافيش مشاكل ومرة واحده بدون سابق انذار بتبدا حرب ضروس وبتنتهى سريعا زى ما بدات بدون اى احياء حتى الاناث واخينا المنتصر كله بيتفرم ضرب!!!!) بالنسبه لسن التزاوج فالعامل الرئيسى فى التزاوج هو الاستعداد مش السن يعنى لو ذكر متربى فى بيئه صحيه ووفره غذاء احسن بكتير من اللى عمره اكبر بس مظلوم فى دورق صغير مثلا" وعموما انا شخصيا بافضل احط ذكر مستورد مع انثى مصرى واجمل حاجه فى الفايتر انك بنقعد تلعب بالالوان زى مانت عاوز وكمان داوقتى ظهرت سلالات زعانفها مشرشره بالكامل جميله وتفريخها سهل واحنا بنستورد الفايتر فى مصر من سنغافوره وتايلاند )مستوردين الاسماك بيتعاملوا مع البلدين دول بس) وان كان الفيتر اساسا من دولة سيام. وفي الختام سلام

الرجوع الى أعلى الصفحة

اذهب الى الأسفل

zairi39

عدد الرسائل : 305
العمر : 33
تاريخ التسجيل : 17/02/2008

]•·.·´¯`·.·• (كل شيء عن: سمكة السياميس فايتر) •·.·´¯`·.·• Empty

موضوع: رد: ]•·.·´¯`·.·• (كل شيء عن: سمكة السياميس فايتر) •·.·´¯`·.·• الخميس 28 فبراير 2008 - 19:50

مشكــوووورين عـــلى الصـور و الموضوع

الرجوع الى أعلى الصفحة

اذهب الى الأسفل

http://www.xx-boudad-xx.skyblog.com

bzikr

عدد الرسائل : 415
العمر : 34
المادة المفضلة : تربية الحيوانات الاليفة
الهوايات : حنين
تاريخ التسجيل : 11/02/2008

]•·.·´¯`·.·• (كل شيء عن: سمكة السياميس فايتر) •·.·´¯`·.·• Empty

موضوع: رد: ]•·.·´¯`·.·• (كل شيء عن: سمكة السياميس فايتر) •·.·´¯`·.·• الخميس 28 فبراير 2008 - 20:45

مشكــوووورين عـــلى الصـور و الموضوع المرج عدم استعمال هذه الالوان

الرجوع الى أعلى الصفحة

اذهب الى الأسفل

IMANE

عدد الرسائل : 376
العمر : 32
المستوى الدراسي : 1bac
المادة المفضلة : english
تاريخ التسجيل : 18/12/2007

]•·.·´¯`·.·• (كل شيء عن: سمكة السياميس فايتر) •·.·´¯`·.·• Empty

موضوع: رد: ]•·.·´¯`·.·• (كل شيء عن: سمكة السياميس فايتر) •·.·´¯`·.·• الثلاثاء 4 مارس 2008 - 23:00

mawdou3 jayed wakha 9rito b 66 kchifa plz matb9ach tsta3mal had l2alwan

الرجوع الى أعلى الصفحة

اذهب الى الأسفل

http://www.derfoufi.yoo7.com

]•·.·´¯`·.·• (كل شيء عن: سمكة السياميس فايتر) •·.·´¯`·.·•

الرجوع الى أعلى الصفحة

صفحة 1 من اصل 1

صلاحيات هذا المنتدى:

لاتستطيع الرد على المواضيع في هذا المنتدى

فضاء للتعلم والتواصل و الإبداع :: المقررات و المناهج الدراسية :: علوم الحياة و الأرض

انتقل الى: