اكلة مغربية 100% بالصورة

المرزيه الصراحه كتبغي العافيه مهييييييله بحال الفاخر ولكن لا معندش تدري شي قزديره راه كيتباعو انا خديتها من المغرب فوق البوطا وطيبي عليها تجيك مزيانه
باش تجيك مزيانه عملي ياللحم ديال الرقبه يا الملج اللي كيكون فيه المخاخ والعطريه ديال المرزيه راك عارفها كتباع مجموعه فيها الزعفران حر والقرفه وقاع قله وبسيبسه والكوزه الصحراويه السكنجبير والكمون المسوفي والخرقوم ومادريش الزعفران دالباكيه ....ومليحه اكيد ومعلقه سمن
اوا الاله الزبيب وشي جوج معالق عسل حر واللوز
و بصله تكون متوسطه والثوم القزبور والمعدنوس
وشي نص كاس زيت العود لا مكانتش ريحتها مجهده ولا فيها الريحه عملي زيت المائده
قلي اللحيمات مع العطريه في الزيت مزيااااان عاد دري البصله مقطعه رقيقه مشلضه والثوم غير بالموس
اوا خلي يتشحر مزيان حتى تحمر ديك البصله عاد مرقيه متكتريش الما غير القياس
ومتسديش عليه الكوكوط والعافيه ماتكون مجهده بزاف
وتخليه يطيب وقتها تكوني رطبتي الزبيب فالما اما اللوز كاين اللي يبغي يقليه كاين اللي بغي يطيبو مع الزبيب
انتي واللي بغيتي
ملي يطيب اللحم دري الزبيب واللوز لابغتي والعسل لاكان حر مجود مكانش دري غير العادي وحتى هو
حسب الرغبه
نتمنى مانكون نسيت شي حاجه

انا هكا كنصاوبها فداري
بصحة هندوش

-يجب الطبخ في طنجرة واسعةعوض طنجرة الضغط.

hhhhhhhhhh
ana d7katni gha lhadra lool
hamdolah bnina
hhhh