حديث الزلافة الحريرية الرمضانية

حديث الزلافة الحريرية الرمضانية
في وصف العجب العجاب وسب الذباب
جائزة قناة الحريرة للأفلام الخاسرة

بطولة : حبوب الدنفراوي
سيناريو وحوار : محمد
القصة : سعيد
الإخراج : الوافي
اللقطات الخارجية : حميدو المسالي قبو
الموسيقى التصويرية : علال النفار
إنتاج
: دار المصائب للأفلام المزورة

بعد العياذ بالله من الشيطان الرجيم والصلاة والسلام على سيدنا محمد سيد الخلق وخاتم النبيئين و المرسلين صلى الله عليه وسلم وعلى آله وصحبه أجمعين.
قرقبوا عليها سوارت الربح ولي ما صلى على النبي يمشي لجهنم.

يا سادة ياكرام
زلافتنا اليوم حكايتها غريبة
ومعانيها غارقة وعجيبة
حكاية أمة مشكولة بالضمة والفتحة والسكون
أمة كثرت فيها العيون
والبرقاقا وقشور البانان والصابون
كان يا ماكن يا السيادي.. وفأيام الله رمضان
وبعدما توكلنا ونوينا الفطور.. دخلات للدار دبانة شوشات علينا القعدة وحرمات بونا من الجلوس على الميدة معانا ..
دارت الدبانة وزنزنات.. قلنا ما كاين باس مخلوق تيترزق دبا تخرج وتريحنا.
لكن الدبانة كان باين عليها شبعانة .. جاية وناوية تشتت لينا الشمل .. والله ينجيكم من الدبان إلى جهل..
ومع آذان المغرب والموذن يقول الله أكبر .. غابت الدبانة وما بقات تبان.. قلنا الحمد لله ريحاتنا وعطاتنا الأمان..
اجلسنا على الميدة .. عيطنا للجار وأهل الدار وتقادو الولاد وكمل الشيباني صلاتو وقلنا باسم الله بلي قسم الله
اسمعنا
بالباب خبطة.. والدقان كي التهراس .. قلنا شكون قالو الشرطة .. قلنا الله
يحضر الباس..الشرطة ولات تدق الباب .. الله يجعلها حيلة وسباب .. دخلو
الدار و بداو فالسؤال

-
وصلاتنا أخبار أنكم معتقلين دبانة .. دبانة من سلالة عريقة .. عندها
جنيحات ملونة وعويناتها واسعين وكبار وعندها ودنين تتجيب كل الأخبار
- الله وأعلم آسيدي .. الدبان كثير وكيفاش غادي نفرقو بين دبانا ودبانكم
- دبانا معروفة عليه الأمانة .. وعدم الخيانة .. والسرعة في نقل الأخبار
- وعلا حنا خونة .. أو الدبان عندكم أهم من الإنسان .. ؟
- نتا باين عليك ما ربيش وخاصك شي ليلة في لاكاف آ الحمار

شاف الوالد مسكين حتى عيا .. وحك لحيتو الشايبة .. وعلا راسو للسما وقال:

-
الله يلعن بوها ديموقراطية .. آشكون إلي سلطكوم عليا .. كنت ناوي على
فطوري أنا ووليداتي .. مهرسين الباب عليا وجايين تقلبو على دبانا زغبية..
واش ما بقاو فالمغرب شفارة .. ما بقالو فالمغرب أجانب كيستغلو الأطفال ..
ما بقاو فالمغرب حكام تيشدو الرشوة .. ما بقاو فالمغرب أغنياء ما كايدفعو
ضرائب .. ما بقاو فالمغرب عيالات تيديرو شبكات للزنا والمخدرات .. الدنيا
كلها وقفات وما بقى عندكم شغال غير تقلبو على لالا الدبانة فين مشات وفين
جات.. دخلت عليكم بالله لاما تتفارقو مني..
- آسمع آ الشريف .. عندنا إذن بالتفتيش في كل الطناجر والزلايف .. والإذن رسمي كيما راك شايف
- فتشو آولدي .. قلبو على دبانتكم ودرقو عليا زلافتكم

دخلو للكوزينا طيحو المواعن لموي مسكينة وفاتو لوسط الدار .. تكلمو فالراديوات ونقلو التعليمات وتأكدو من الوشايات ورجعو يسولونا

- المعلومات تاعنا صحيحة وتتقول بلي الناس شافو دبانتنا عندكم فالدار
-
آسيدي ما كدبتوش .. راك شايف حالتنا العيانة حنا والدبان كيف كيف كلنا
عايشين في بطانة.. لا مجاري صحية .. لا مرافق تعليمية .. ريحة الخنز مروعا
قلوبنا .. والطوب والفيران على الخبز كيسابقنا .. والمعيشة حارة ولينا
كنلقطو الرزق كي الضرسا فالكولاب .. واش ما
قادكومش هاذ العذاب باغيين تخوفونا حتى من الناموس والذباب.. وشكون
يضمنلينا بلي ما راكمش مخدمين معاكم حتى المشاش والكلاب.
- كلشي خدام معانا .. وحتى انتا وولادك إلى بغينا نخليوك عبد مشرط الحناك لسيادك
- لكن ماشي هادشي علاش تفقنا.. قلنا غادي نتبدلو ونوليو كنحتارمو الإنسان .. ولي غلط يتعاقب بالحجة والبرهان
- مشا داكشي علاش تافقنا .. دبا حنا صحاب الشان والمرشان.. الإرهاب واقف فالباب ولازم نكونو فايقين مزيان
-
وما لقيتو غير داري تفيقو فيها .. أنا مالي ومال دبانتكوم إلى تلفات ..
ولا الله وعلم شمن تيرا هربات .. وشكون إلى سوق ليها.. الله يلعن والديها

وبمجرد
ما قال والدي هذه العبارة حتى ألقي عليه القبض بتهمة التطاول على الدبان
أثناء آداءه لعمله.. قيدوا يده ولم يرحموا كبر سنه ولا حوه فالفاركونيط كي
الحولي .. وظل مكانه بيننا فارغا .. وعند وصوله لقسم الشرطة وجدوا القاضي
بانتظارهم - قاضي خدام بالليل برمانانص - سألهم والدي عن المحام فقالوا له
لقد مات رحمة الله عليه .. سالهم عن الجمعيات الحقوقية قالوا له هاجرت
للعمل في الخارج .. سالهم عن الأحزاب الثورية والتقدمية والإشتراكية فقالوا له كلات حقها وغمضات عينها..
وحكم على والدي في نفس الليلة وقبل آذان العشاء بالسجن بتهمة سب دبانة.

الحديث:
حدثنا أحد رجال الشرطة السرية عن أحد البرقاقا عن أحد الشكاما الكبار فالحومة أنه سمع رجلا مسنا يوصي أبناءه قائلا :
" ما
بغينا صداع ما بغينا مشاكل نهار نشوف فالدار شي بواطا تاع فلايطوكس نخلي
دار بوكم .. احترمو الدبان آوليداتي وما شي غير الدبان احترمو جميع أنواع
الحشرات والحيوانات من القمل والباعوض والناموس وخصوص سراق الزيت وسراق
السكر وسراق الخبز وسراق الحرية وسراق النعناع وسراق بشكيطو وسراق السردين
وسراق الميزانية احترمو الكلاب آوليداتي.
إلى
شفتو دبانا قولو الله يحضر السلامة .. يمكن تكون موظف سامي أو مسؤول أمي
.. عطيوها الطريق .. وممنوع تخليوها تشوف الجرائد راكم عارفين الدبان عدو
الجرائد .. فضحايا الجرائد من الدبان كثار ..
إلى شفتو دبانة فكاس
شربوه وقولو لا باس
إلي شفتو دبانا فالراس
قطعوه وخليوها تشبع نعاس
فحماية الدبان هي الأساس
إلى تزوجات دبانة
فرحو ليها وديرو أعراس
إلى ولدات دبانة
طبلو وغنيو كي الناس
أطيعوا الدبان
لتنعمو بالأمان
والسلام عليكم "

إنتهى الحديث
أخرجه محبوب الدنفراوي في الجامع المائع في وصف حال الشعب الجائع.

التعليق على الحديث :
بحكم
المادة 18 من قانون العقوبات الخاص بالرعاية الذبابية فإنه يعاقب بالحبس
من عشرين إلى ثلاثين عاما وغرامة تقدر ما بين خمسين ومئة ألف درهم كل من
أبدى رأيه في موضوع له علاقة بالذباب أو أية حشرة أخرى تنتفع منها
البلاد.. وذلك استينادا على المثل الشعبي القائل
" لي ما قتل يسمن "
إنتهي التعليق بالزربة

من الجريدة الالكترونية هسبريس للكاتب محمد سعيد الوافي

Merci bzaaf awda chakib 3la hadchi , rah ch7aft 3ad kmalto(o_O) me ziiin wakha hakak.
VIvE L7riiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiira et Dima L7riiiiiiiiiiiiiiiiiiiiiiiiira En FoRCe

merciiiiiiiiiii!

merci mais had chi taykoun f ramdan iwa ambarak la3wachar

شكرا جزيلا
Merci
Thank you

Wéé Wéé awda chakib kolchi zin l7riiiiiiiiiiiiiiiiiiiiiiiiiiia En ForCe

» الاربعين النووية حديث رقم 5و6
» حديث عن الجهاد في سبيل الله وفضله
» كل عضو يكتب حديث للرسول صل الله عليه وسلم ..ارجو التثبيت